Transcription
1
Reçue à Grenoble, le 05 mars 1573.
2
Monseigneur, voulans taicher par tous moiens de garder notre
3
ville soubz lobeissance de sa maiesté et empecher les ennemis
4
et perturbateurs du repos public de se seisir dicelle, soit par
5
surprinse ou aultremant, avons advisé vous fère entandre qu’an
6
dehors de notre ville et joignant les murailles dicelle, y a une
7
petite mesonète et bastimant où un particulier de ceste ville
8
fet la teinture, quest telemant preiudiciable à la guarde dicelle
9
quavec une eschelle de douze degrés on pourroit facilement
10
monter sur le toict dudit bastimant et dudit toict presque
11
sans eschelle sur le mur de la ville et par consequant
12
ayseemant dresser une escalade. Oultre ce, que de nuict
13
on pourroit dans ladite mesonète sapper à couvert et secret
14
la muraille de la ville pour y entrer et nous surprandre.
15
Pandant les premiers, segondz et troysièmes troubles, ceux
16
qui ont commandé dans ladite ville lont tousjours fet abattre
17
pource que la paix venue celuy à qui elle appartient
18
la feisoit reediffier. A present (encores quelle importe beaucop
19
pour la guarde de ladite ville, ainsi que le capiteine Maires
20
a bien recogneu et croyons quil vous en escript) si est ce quon
21
ne la voulu fère abattre sans votre commandemant. Sil vous
22
plaict ainsi lordonner pour la seureté de notre ville, taicherons
23
dobéir à vous commandemans, non seulemant en ce, mais en
24
toute aultre chose où vous commandemans seront estandus
25
sur nous soit pour le service de sadite maiesté et votre en
26
particulier. Devantaige, ayant esté advertis
27
monseigneur que puis la prinse du Poussin, plusieurs de
28
la vallée de Bordelois commencent comme à lever les cornes
29
et parler fort aultemant, chose que pourroit comme estre la
30
sorce de quelque trouble en ce païs vous en avons bien
31
voulu donner advertissemant parce mesmes quil y a vers
32
ces cartiers quelques vilaiges que ne sont esmantelés
33
[189 v°] et où y a peu de catolicques que pourroit enardir ceux que
34
ne demandent quun remuemant de se seisir de telz lieux,
35
et troubler un repos public et nous permettre aussi advant
36
en trouble comme tous bons subiectrz du roy taichent de vivre
37
en paix et pour notre reguard ne desirons aultre chose
38
et prions Dieu quil nous y meintiene et nous fasse la
39
grace de demeurer à jamais vous très humbles serviteurs.
40
Priantz Dieu,
41
monseigneur vous donner en sainté tout bon succès à
42
voz affères et augmentation de votre grandeur. A Dye, ce premier
43
mars 1573.
44
Monseigneur depuis la lettre escripte, ayantz
45
recherché avec le capiteine Maires les
46
moiens quon a à tenir pour la garde de
47
notre ville, avons trouvé quil y a pleusieurs
48
qui ne sont encores catolisés le[s]quelz
49
ne sont receuz à la garde qui se tiennent
50
examptz de garde et les catolicques chargés
51
dicelle ; de quoy vous en avons volu donner
52
advertissemant et scavoir sil vous plarra
53
quon les cotize pour la garde à leur tour,
54
car comme il vous plarra ordonner nous
55
obeirons.
56
Vous très humbles et très obeissantz
57
serviteurs les consuls de Dye.
58
Chazency Consul
59
David
60
L Cate
61
Gasp : Coullet